ခွေးလေးတွေမှာ အမွှေးအလွန်အကျွံကျွတ်ခြင်း 🐕🐩🐺🦊

ခွေးတွေမှာ ပုံမှန်အားဖြင့် အမွေးဟောင်းတွေ၊ ပျက်စီးနေတဲ့ အမွေးတွေ ကျွတ်လေ့ရှိပါတယ်။ အမွေးကျွတ်တာဟာ သာမန်ဖြစ်စဉ် တစ်ခုပဲ ဖြစ်ပါတယ်။ အမွေးကျွတ်တဲ့ နှုန်းနဲ့ ပမာဏက ခွေးတွေရဲ့ အမျိုးအစားနဲ့ ကျန်းမာရေးအပေါ် မူတည်ပါတယ်။ ခွေးတွေဟာ ဆောင်းရာသီမှာ အမွေးထူတတ်ပြီး နွေရာသီမှာ အမွေးကျွတ်လေ့ရှိပါတယ်။ အိမ်ထဲမှာပဲ နေတဲ့ ခွေးတွေဟာတစ်နှစ်ပတ်လုံး မျှတစွာအမွေးကျွတ်လေ့ရှိပါတယ်။

သင့်ရဲ့ ခွေးလေး အရေပြားမှာ အနီကွက်တွေ၊ အဖုအပိန့်တွေ၊ ယားယံတာမျိုးတွေ၊ အမွေးကွက်ကြား ကျွတ်တာမျိုးတွေ၊ အဆက်မပြတ် ကုတ်တာတွေ ဖြစ်လာပြီဆိုရင် တော့ တိရစ္ဆာန်ဆရာဝန်နဲ့ အမြန်ဆုံး သွားပြဖို့ လိုအပ်လာပါပြီ။

အမွေးကျွတ်ခြင်းကို ဘယ်လိုလျှော့ချမလဲ? 🤨

သင့်ရဲ့ ခွေးကို သေသေချာချာ ဘီးဖီးပေးဖြင့် အမွေးကျွတ်ခြင်းကို လျှော့ချပေးနိုင်ပါတယ်။ တိရစ္ဆာန်ဆရာဝန် က သင့်ရဲ့ခွေးနဲ့ သင့်တော်မဲ့ ဘီးကို ညွှန်ကြားပေးနိုင်ပါတယ်။

ဘာကြောင့် အလွန်အကျွံ အမွှေးကျွတ်တာလဲ? 🤔

ခွေးတွေမှာ အမွေးကျွတ်ခြင်းဟာ သာမာန်ထင်ရပေမဲ့ စိတ်ဖိစီးမှု၊ အာဟာရချို့တဲ့မှုနဲ့ ကျန်းမာရေးပြဿနာ ကြောင့်လည်းဖြစ်နိုင်ပါတယ်။ အလွန်အကျွံ အမွေးကျွတ်ခြင်းဟာ တခါတရံမှာ မှန်ကန်တဲ့ အာဟာရစနစ်နဲ့ ကာကွယ်ပေးနိုင်ပါတယ်။ တိရစ္ဆာန်ဆေးကုဆရာဝန်နဲ့ ဘယ်အစားအသောက်တွေကို သင့်ခွေးကိုကျွေးသင့်လည်း ဆိုပြီးဆွေးနွေးသင့်ပါတယ်။

အမွေးကျွတ်လွန်ခြင်း(သို့) ခန္ဓာကိုယ်တွင် အကွက်များတွေ့ရှိရခြင်းသည်အောက်ပါအကြောင်းအရာများကြောင့်ဖြစ်ပါတယ်။

- ခွေးသန်း၊ လောက် နှင့် ကမျဉ်းနီကောင်များ တွယ်ကပ်ခြင်း
- မှို (သို့) bacteria များ ကူးစက်ခံရခြင်း
- ကိုယ်ဝန်ဆောင်ချိန် (သို့) နို့တိုက်ချိန်ဖြစ်ခြင်း
- အချို့သောဆေးဝါးများကြောင်ံ့ဖြစ်ခြင်း
- ကင်ဆာရောဂါ ခံစားနေရခြင်း
- နေပူလောင်ခြင်း
- အန္တရာယ်ဖြစ်စေသော အရာများနှင့် ထိတွေ့မိခြင်း

တို့ဖြစ်ပါတယ်။
**
Credit: American Society for the Prevention of Cruelty to Animals